Data de emisión: 31 marzo 2021
HUMOR GRÁFICO. MIKEL URMENETA
No ano 2017, Mikel Urmeneta foi considerado unha das 100 persoas máis creativas do mundo segundo a revista Forbes. Non foi a única das distincións que recibiu este artista navarro.
Fundador e director creativo de Katuki Saguyaki, que quere dicir “carne de gato, manxar de rato,” foi tamén fundador e director creativo de Kukuxumusu.
O seu humor ácido e ás veces delirante, converteuse nun dos seus sinais de identidade.
Vive a cabalo entre Nova York e Iruña, dende onde segue desenvolvendo a súa capacidade creativa que non só plasma nos seus característicos debuxos, senón tamén noutros proxectos de diferente índole.
Da súa obra salientar o cartelismo e muralismo ou a utilización de diferentes técnicas moi innovadoras como o tilt brush, unha aplicación de Google que permite ao usuario pintar e realizar obras gráficas en 3 dimensións, por medio do dispositivo de realidade virtual HTC VIVE.
Unha das súas obras máis emblemáticas e recordadas, é o cartel que deseñou para as festas de San Fermín no ano 1990.
Os seus carteis serviron para anunciar ou promover festas como a do Baztandarren Biltzarra en 1991, a sección infantil do Festival de Cine de San Sebastián nese mesmo ano, ou a Oficina de Turismo do Goberno Vasco.
A fotografía, outra das súas paixóns, serviulle para colaborar con Captura.org, organización que recolle, xunto ao traballo doutros autores, algunhas das súas fotografías dixitais.
A serie Humor Gráfico é unha das máis esperadas cada ano polos afeccionados da Filatelia, o selo que se dedica este ano a Mikel Urmeneta, recolle unha ilustración do artista, que representa a protagonista da fábula de Carapuchiña Vermella que camiña da man do pequeno lobo azul, protagonista da folla bloque.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.