Museo Nacional de Arte Romana

MUSEOS

Tres novos selos, dedicados a tres museos españois, súmanse a unha serie coa que Correos fomenta a difusión da cultura española a través destes centros que conservan, custodian e divulgan a historia da humanidade.

Este ano os museos protagonistas son: o Museo Postal e Telegráfico, o Museo Nacional de Arte Romana e o Museo Vivanco da Cultura do Viño.

Museo Postal e Telegráfico. Este museo alberga unha das coleccións máis importantes no ámbito da Filatelia, a Historia Postal e a Historia das Telecomunicacións. Nel, pódese encontrar dende o primeiro selo do mundo, o Penny Black, uniformes de funcionarios de Correos de todas as épocas, centrais telefónicas antigas e, mesmo unha réplica dun tren ambulante postal. O selo que Correos dedica a esta institución está formado por unha colaxe con imaxes dalgunhas das súas pezas máis emblemáticas como a caixa de correo cabeza de león ou unha estación Morse.

Museo Nacional de Arte Romana. Na monumental cidade de Mérida, encóntrase este museo con máis de 175 anos de antigüidade que nace a raíz da importancia do xacemento romano da cidade estremeña. As coleccións do Museo Nacional de Arte Romana céntranse case exclusivamente, en obxectos achados no xacemento emeritense. O selo ten como motivo principal a imaxe dunha das salas do Museo, deseñado polo arquitecto Rafael Moneo. Nela, podemos ver algunhas das pezas pertencentes á colección permanente.

O Museo Vivanco da Cultura do Viño. Co obxectivo de educar, divulgar e interactuar co viño, nace este museo que ten a súa sede na localidade de Briones, A Rioxa. Dispón dunha colección permanente con vasillas centenarias, prensas ou importantes obras de arte de grandes pintores como Picasso ou Juan Gris. No exterior, o Xardín de Baco representa unha homenaxe ao viñedo con máis de 200 variedades de uva de todo o mundo. O selo amosa unha das salas do Museo dedicada ao traballo nas adegas.